അകലാപ്പുഴയോരത്ത്, അഴകിന്റെ തീരത്ത്
മഴനൂലുകളിഴചേര്‍ക്കും മൂവന്തി നേരം
കണ്ടു മറന്നതാം നഷ്ടസ്വപ്നങ്ങള്‍തന്‍
വര്‍ണ്ണവളപൊട്ടുകളെ താലോലിക്കുന്നു ഞാന്‍..!
മധുരിക്കും ഓര്‍മ്മകള്‍ തന്‍ തേന്‍തുള്ളികള്‍ നുണയുമ്പോള്‍,
അധരങ്ങളിലെന്നെന്നും ചെറുപുഞ്ചിരി വിരിയുന്നൂ..!
ചേക്കാറിനിടമില്ലാതലയുന്നൊരു കിളിയായ് ഞാന്‍
എക്കാലവുമലിവിന്‍റെ കനിതെടി വന്നല്ലോ...
പറുദീസകള്‍ മോഹിച്ചിട്ടനന്തമാം ദുഃഖത്തിന്‍
മറുകര തേടി ഞാന്‍ പോയകാലം,
ഒരു സ്വാന്തനത്തിന്റെ തെളിനീരാലിന്നെന്നെ
കുളിരണിയിക്കാനണഞ്ഞവല്ലോ..
എന്‍സഖി പ്രിയസഖി താമരനൂലിനാല്‍
ഈ പുഴയോരത്തെ പുല്‍ക്കുടിലില്‍..!
1 അഭിപ്രായം:
മനോഹരമായിരിക്കുന്നു ആശംസകൾ
ഒരു അഭിപ്രായം പോസ്റ്റ് ചെയ്യൂ