മുഖാമുഖം കണ്ടിട്ടും മിണ്ടാത്തതെന്തേ...?
നഖം കടിച്ചിങ്ങനെ നില്‍ക്കുന്നുവോ നീ...?
കാണാതെയായപ്പോള്‍ കാണാന്‍ കൊതിച്ചു
കണ്ടപ്പോളില്ലാത്ത നാണം നടിച്ചു...!
നാമിരുപേരും ചേര്‍ന്നുള്ള ലോകം
നാടും നഗരവും സ്വപ്നത്തില്‍ കണ്ടു...!
സ്നേഹസാമ്രാജ്യത്തിന്‍ സിംഹാസനത്തില്‍
മോഹങ്ങളെന്‍പാടും പൂത്തുലഞ്ഞപ്പോള്‍,
ഇനിയും വേര്‍പെട്ടു പോവാതിരിക്കാന്‍
ഇണ പിരിയാതെ നാമോന്നിച്ചു വീണ്ടും...!
മധുരക്കിനാവിന്‍റെ മണിമഞ്ചലേറി,
മാനത്തെ കൊട്ടാര മുറ്റത്ത്‌ ചെല്ലാം...
മായാലോകത്തിലേക്ക് പറക്കാം
മാരിവില്‍ തൊങ്ങല് തീര്‍ക്കുന്ന വിണ്ണില്‍...!
ഇനിയും പിരിയാതെയൊന്നിച്ചിരിക്കാം
ഇണ പിരിയാത്തതാം കിളികളെപ്പോലെ...
1 അഭിപ്രായം:
ഇനിയും തുടരട്ടെ റൊമാന്റിക് എപ്പിസോഡുകള്‍....
ഒരു അഭിപ്രായം പോസ്റ്റ് ചെയ്യൂ