ഈസ്റ്ററിന്‍റെ നാളുകള്‍ ഒരു കൊടും ചതിയുടെഓര്മ്മക്കുറിപ്പുകള് നിവര്‍ത്തുമ്പോള്‍,
കാല്‍വരിയിലെ മരക്കുരിശില്‍ മുറിവേറ്റ
മനുഷ്യപുത്രനെ നേരം പുലരും മുമ്പെ
പലവട്ടം തള്ളിപ്പറഞ്ഞവര്‍ അരങ്ങു തകര്‍ക്കുമ്പോള്‍,
ഒരു ജൂദാസ് കൂടി ജന്മമെടുക്കുന്നു..!
ഗാസയിലെ തെരുവോരങ്ങളില്‍, മദ്രസകളില്‍ ,
ആതുരാലയങ്ങളില്‍ ,ചിന്തിയ പിന്ചോമനകളുടെ
ചുടുചോരയില്‍ മുക്കിയ കൈകളെ തലോടുന്ന ജൂദാസിതാ
പിറന്നു വീണിരിക്കുന്നു..ഇവിടെ ഓംകാരത്തിന്റെ മണ്ണില്‍ ...
മാനിഷാദകള്‍ മന്ദ്രധ്വനിയുതിര്‍ത്ത നല്ല ഹൈമവതഭൂവില്‍
അശാന്തിയുടെ വിത്ത് വിതയ്ക്കാന്‍ അവന്‍ എത്തിയിരിക്കുന്നു..!!
അഭിശപ്തമായ ആ വരവ് തടയാന്‍ നമുക്കാവില്ലേ കൂട്ടരേ..?
സ്നേഹത്തിന്റെ ഉയിര്‍ത്തെഴുന്നേല്‍പ്പിന് വേണ്ടി
ഒലീവിലകള്‍ ചൂടി നമുക്കു കാത്തിരിക്കാം...
കര്‍ത്താവിന്റെ സ്നേഹ സ്പര്‍ശമേല്‍ക്കാന്‍
ഒരിക്കല്‍ കൂടി ...ഒരിക്കല്‍ കൂടി ...
3 അഭിപ്രായങ്ങൾ:
ജൂദാസുമാരില്ലാത്ത നാടുകളുണ്ടോ ?
കിട്ടാനില്ലാത്തത്തുകൊണ്ടാണ് രാമായണത്തിന്റെ പ്രതികൾ ചുട്ടു കരിക്കാത്തത്.ഹും!
ഈ യൂദാസിനെ ശശിതരൂരെന്നു ഞാന്‍ വിളിച്ചു പോകുന്നു... പല വിധ പലവക യൂദാസുമാരെ പിന്നെയും ഞാന്‍ കണ്ടപ്പോള്‍... ശശിതരൂരുമാത്രമല്ലെന്ന് ഞാന്‍ തിരുത്തി... തിരുത്തുകള്‍ പിന്നെയും ക്യു നില്‍ക്കുന്നതു കൊണ്ട്‌ വേഗം ഞാന്‍ നിര്‍ത്തി...
ഒരു അഭിപ്രായം പോസ്റ്റ് ചെയ്യൂ