മഴമേഘങ്ങളാകാശത്തില്‍ മേയുമൊരു മൂവന്തിയില്‍
ഈ പുഴയോരത്ത് ഞാനെകനായിരിക്കവേ,
ഓര്‍മ്മകള്‍ തന്നോളങ്ങളെ പുല്കിയെത്തിടും കാറ്റിന്‍
മര്‍മ്മരം മനസ്സിന്റെ ജാലകം തുറക്കുന്നു...!
കളിവീടുണ്ടാക്കി ഞാന്‍ ചക്കര മാവിന്‍ ചോട്ടില്‍
കൂട്ടുകാരിയെയും കാത്ത് കണ്ണും നാട്ടിരിക്കവേ,
ബാല കൌതുകത്തിന്റെ നൈര്‍മ്മല്യംചാലി-
ച്ചെടുത്തഴകിന്‍ തൂവാലകള്‍ തുന്നിയ പൂതുംപികള്‍
നമുക്കു ചുറ്റും കൂടി പറന്നുല്ലസിക്കവേ,
ഏതൊരു മായാലോകം പൂകിനാം പ്രിയ സഖീ !
മധുരം കിനിയുന്നോരോര്‍മ്മകളിന്നും ഹൃത്തില്‍
തേന്മഴ പെയ്യിക്കുന്നതറിയുന്നുവോ സഖീ ?
എത്റനാളിണങ്ങിയും പിണങ്ങിയും കഴിയുന്നൂ
ജീവിത ചക്രം വീണ്ടും കറങ്ങി തിരിഞ്ഞപ്പോള്‍ !!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ