ഒരു വര്‍ഷം കൂടി കാലപ്രവാഹത്തില്അപ്രത്യക്ഷമാവുമ്പോള്,
മുന്നില്‍ തെളിഞ്ഞു വരുന്നത്
നഷ്ടക്കണക്കുകള്‍ കോറിയിട്ട
നാള്‍വഴികള്‍ മാത്രം..!
ആസുരത താണ്ഡവമാടിയ
ആകുലതകള്‍ മനസ്സിനെ മഥിച്ച ദിനരാത്രങ്ങള്‍ക്ക് വിട...
ഭരണകൂടഭീകരതയും,മത തീവ്രവാദവും
ലോകമെങ്ങും രക്തക്കളങങള്‍ തീര്‍ത്ത വര്‍ഷം..!
ഏറ്റവുമൊടുവില്‍ ഗാസയിലെ തെരുവുകളില്‍
ഇസ്രായേല്‍ നരാധമന്മാര്‍ അഗ്നിഗോളങ്ങള്‍ വര്‍ഷിച്ച്
പാഠശാലകള്‍ വിട്ടിറങ്ങിയ പിഞ്ചോമനകളെ
കൂട്ടക്കുരുതി നടത്തിയതീവര്‍ഷത്തിന്റെ തീരാക്കളന്കം..!
മുംബൈയില്‍ മനുഷ്യജീവന്‍ എടുത്തമ്മാനമാടിയ
പാക്ക് കശ്മലര്‍ നാടിന്‍റെ സുരക്ഷക്ക് നേരെ
കൊഞ്ഞനം കുത്തിയ ശപിക്കപ്പെട്ടവര്‍ഷം..!
അമേരിക്കന്‍ ഐക്യ നാടുകളിലും,യുറോപ്പിലും
മുതലാളിത്തത്തിന്‍റെ അമ്മതൊട്ടിലുകള്‍
സാമ്പത്തിക മാന്ദ്യത്തിന്റെ കൊടുങ്കാറ്റില്‍
ആടിയുലഞ്ഞ വര്‍ഷവുമിത് തന്നെ...
ഇന്ത്യന്‍ പാര്‍ലിമെന്‍റിനെ നോക്കുകുത്തിയാക്കി
മന്മോഹനും കൂട്ടാളികളും ശിന്കിടികളും കൂടി
ആണവവിജയം കഥ ആടിത്തിമര്‍ത്തതും
വിടചൊല്ലാനൊരുങ്ങുമീ രണ്ടായിരത്തെട്ടിന്‍റെ
അപമാനമായ് നാമോര്‍മ്മീച്ചീടും..
അരങ്ങൊഴിയും വര്‍ഷത്തിന്‍റെ
തിരശ്ശീല താഴ്ത്തുന്നു ഞാന്‍, കാണാം വീണ്ടും
നവവല്‍സരത്തിന്‍റെ നാളത്തെ പ്രഭാതത്തില്‍..!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ