കുടിപ്പക

നരജീവിത മെന്നും കുടിപ്പക തീര്‍ക്കാനായി -
ട്ടെരിഞ്ഞു തീരാനല്ലെ ന്നെപ്പോഴുമോര്‍മ്മിക്കുവിന്‍ ...
മാനവ ഹൃദയങ്ങ ളൊരിയ്ക്കലു മടുക്കാതെ
മതില്‍ കെട്ടി യകറ്റുവാന്‍ പാടു പെടുന്നുചിലര്‍ ...
സ്നേഹത്തിന്‍ തെളിനീര് വറ്റിയ മനസ്സുകള്‍
ദാഹ ജല ത്തിന്നായി ട്ടലയുന്നെല്ലാടവും...!
എന്തിന് പരസ്പരം കല ഹിക്കുന്നു നമ്മള്‍
വെന്തുരു കീടുംഹൃത്തിലെരിതീ പകരാനോ ?
തീരാത്ത പകയുടെ ബാക്കി പത്രവും പേറി
ആരുടെ പടിവാതില്‍ മുട്ടി നാം വിളിക്കണം ?
വേര്‍പെട്ട മനസ്സുക ളിഴകള്‍ തുന്നി ചേര്‍ത്തു
ഒരിക്കല്‍ കൂടി നമുക്കൊന്നാക്കാന്‍ കഴിയില്ലേ ..?
കഴിയും വെറുപ്പിന്റെ കരി മുകിലുകള്‍ മാറ്റി
മഴ വില്ലുകള്‍ തീര്‍ക്കാ നുള്ളം നാം തുറക്കുകില്‍ ..!