മുതിര്‍ന്നോര്‍ കളിക്കുന്ന കളിപ്പാട്ടമേത് ?മൊബൈല്‍ ഫോണല്ലാതെ മറ്റൊന്നല്ല ...!ബസ്സിലുംട്റെയ്നിലും ചായക്കടയിലും നാലാള്‍ കൂടിന്നിടത്തുമെല്ലാം
ബാട്ടണമര്‍ത്തിയും ചുണ്ടിലടുപ്പിച്ചും കതോരംചേര്‍ത്തും കളിച്ചിടുന്നു...
പാട്ടപെറുക്കുന്നോരണ്ണാച്ചിത്തള്ളതന്‍ ചേലതന്‍ തുന്‍പത്തുമുണ്‍ട് നോക്വാ
പീക്കിരിപിള്ളേര്‍തന്‍ പോക്കറ്റിലുമുണ്‍ട് ഞെക്കിയാല്‍ പാടുന്ന ഫോണൊരെണ്ണം
നേതാവിന്‍ കയ്യില്‍ മുറുകെ പിടിച്ചൊരു ഫോണിലെ മണിയൊച്ച കേള്‍ക്കുന്നില്ലേ ..?
ശല്യമാണീയൊച്ച എപ്പോഴുമെവിടെയും വില്ലനായ്പരിസരം മലിനമാക്കും ..
പൂവാലന്മാര്‍ക്കെല്ലാം ചങ്ങാതിയായ് വന്ന ഫോണിവന്‍ പൊങ്ങച്ചക്കാരനല്ലോ ...!
കള്ളനും പോലീസും എപ്പോഴുമെവിടെയും കയ്യില്‍ കരുതുന്ന ഫോണിതല്ലോ ..
കുമാരന്‍ മാസ്റ്റര്‍ക്ക് മീനാക്ഷി ടീച്ചറെ പ്രേമിക്കാനായായതും ഫോണിലൂടെ ..!
കോടതിയ്ക്കുള്ളില്‍ റിങ്ടോണടിച്ചപ്പോള്‍ കോണ്‍ട്റാക്ടര്‍ കുഞ്ഞാലി പിഴയടച്ചു...
ബസ്സിലെ കിളിയുടെ കുപ്പായ കീശയില്‍ ബെല്ലടി കേള്ക്കുന്നു ഫോണെടുത്തു ...
എങ്ങും വിലസുന്ന സുന്ദര കുട്ടപ്പന്‍ ഇങ്ങനെ പോകുന്നു ഫോണ്മഹാത്മ്യം ....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ