എന്‍റെ വീടൊരു പഴയ വീട്
കാറ്റും വെളിച്ചവും എത്തി നോക്കാത്തൊരു
പഴയൊരു വീടാണെന്‍റെ വീട്...
തെക്കിനിയും, പടിഞ്ഞാറ്റയും,
നാലുകെട്ടും, നടുമുറ്റവും, ആമ്പല്‍ക്കുളവും
പണ്ടത്തെ പ്രതാപത്തിന്നടയാളങ്ങള്‍ ...
കാലമീ വീടിനെ മാറ്റിമറിച്ചു..
ഇരുട്ടിന്‍ കുഞ്ഞോമനകള്‍ കണ്ണ് പൊത്തി -
ക്കളിക്കുമീ ഇടനാഴികളില്‍
മുത്തശ്ശിയുടെ കാച്ചെണ്ണയുടേയും
കൊഴന്‍പിന്‍റെയും മിശ്ര ഗന്ധം ...
തൊടിയില്‍ തൊട്ടാവാടിയും, തുളസി ചെടിയും,
വിടരും നന്ത്യാര്‍ വട്ടവും, തുന്പ പ്പൂവും ..
തുന്പികളൂഞ്ഞാലാടും വള്ളിക്കുടിലും
എല്ലാമെന്നാവാസത്തിന്‍ നേര്‍ക്കാഴ്ചകള്‍ ...
എന്നുമെന്നുമോര്മ്മിയ്ക്കുവാന്‍
മയില്‍പ്പീലി പോലെയെന്‍ മനസ്സില്‍ തെളിയും
പോയകാലത്തിന്‍ ഓര്മ്മകളെന്നും ..
ഈ വീടും തൊടിയും,കിളികള്‍ താന്‍ കളകൂജനവും
വിട്ട്‌ പിരിയുവാന്‍ കഴിയില്ലൊരു നാളും...!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ